酒家老闆親子下廚 露筍炒蝦仁無難度【有片】

Billy：張本立，有多重身份，尖沙咀頂好海鮮酒家老闆，工餘還會去電視台做茄喱啡，剛做完的《為食神探》，他就飾演大廚德哥。

Issac：Billy 細仔，閒來喜歡運動，最鍾意踢波，長大後希望做足球員。去年曾經參加電視台《我係小廚神》比賽，但因為太緊張，忘記落調味料而失手無緣晉級。

「他從來都無煮嘢食，只有兩日訓練他。他當時 8 歲，以最安全為原則，所以就揀了露筍炒蝦仁，因為露筍容易切，蝦容易熟，肉眼都睇到。」Billy 說。

常說在那裏跌倒，就從那裏站起來，因此今次邀請 Billy 與 Issac 再煮多一次露筍炒蝦仁！

露筍炒蝦仁

步驟

１. 用雞粉、生粉、味醂先醃一醃蝦仁。

２. 將水煲滾，下鹽，然後加入露筍煮約 2 分鐘，取出，隔去水份。

▲ （陳偉能攝）

３. 蝦也拖水，約煮至一半熟，盛起，隔去水份。

▲ （陳偉能攝）

４. 落油，炒露筍及蝦，加鹽及糖，再加蒜蓉及薑片，後加紅黃椒。

▲ （陳偉能攝）

５. 最後加入玫瑰露酒，令碟餸色香味俱全。

▲ （陳偉能攝）

▲ 這是 Issac 的完成作，相比老豆的，也不遜色。（陳偉能攝）

Billy 原本是時裝設計師，他爸爸張鵬就是漢寶集團其中一位創辦人，將平價龍蝦引入香港。

爸爸教識我驗貨買貨，還教我欣賞食物，所以我也會教下一代不要浪費食物，食幾多叫幾多。

他自言沒有想過讓兒子接手生意，會讓他們自由發展，反而最終希望酒家能上市，讓能者管之。

做這行好辛苦，時間長，俾家庭時間少，我 20 年都無放過假；而且容易學壞。

做飲食行業壓力大，通常放工店舖都關門，無街行；於是就會打麻雀、賭錢、食煙，所以 Billy 不想兒子沾手。

我希望做多 5 年，儲夠錢，就放多些時間在家庭。始終前十多年餐廳人手不夠，忽略了他們。

【其他熱話】酒店大廚教煮蝦仁炒蛋　揀靚蝦要睇蝦頭

【其他熱話】GU置裝1000円有找 會員再平幾百円

【其他熱話】西環5間深宵食堂 港大生必試煎腸粉