9月食黃油蟹定肉蟹？
發布時間： 2016/08/24 19:32
最後更新： 2016/08/30 19:41
俗語說10月吃肉蟹，那麼現時吃甚麼最好？據鴻星中菜格蘭店廚部主管馮振輝師傅教路，是黃油蟹與奄仔蟹。而黃油蟹都是母的膏蟹。
膏蟹、花蟹、肉蟹、三點蟹、奄仔蟹，都是在街市常見的蟹種。除花蟹不是呈墨綠色兼表面有花紋，三點蟹也因背部有三點，兩者都容易辨認。
肉蟹及膏蟹都屬於青蟹，前者是雄性，後者是雌性；肉蟹主要吃肉，膏蟹主要吃膏。嗜蟹的都喜歡吃膏，馮振輝師傅稱，揀靚膏蟹有一個方法，就是看蟹奄位，如果是飽滿的，即代表多膏了。
| 奄仔蟹 | 墨綠色 |
| 三點蟹 | 背部有三點，墨綠色 |
| 花蟹 | 橙紅色，表面有花紋 |
| 肉蟹 | 雄性，墨綠色 |
| 膏蟹 | 雌性，墨綠色，多膏 |
奄仔蟹與通常在酒樓才吃到的貴價黃油蟹，現在都屬當造期，馮師傅說：
農曆 6 月至 8 月，由於天氣熱，生長在鹹淡水交界的黃油蟹，會游往淺水處，油膏因高溫熔化而走遍全身，是香港獨有的時令珍品。
他指，奄仔蟹也是產自鹹淡水交界的流浮山，約 3個月大，屬未曾產卵受精的幼年雌蟹。與黃油蟹一樣，蟹關節位都會滲油，容易辨認。
除了看油份，一般揀靚蟹，還有以下方法：
1.蟹墜手是其中一個指標。
2.用手在蟹的眼睛旁邊按下，如果眼仔碌碌不停轉動，就代表蟹仍然很生猛。
3.生猛的蟹，還聽到蟹在玩泡的聲音。
4.摸一摸蟹腳，如果夠厚實，即代表多肉。
5. 三點蟹及花蟹，奄位都呈象牙色，即代表靚蟹。如果透明的，就代表少肉質差。
在家煮蟹，不外乎清蒸、薑蔥、豉椒，馮師傅說，還有其他吃法：
1.生滾黃油蟹粥：以蟹油煲粥，令粥更鮮甜，但亦可以嘗試鹽焗及花雕蒸煮。
2.岩鹽焗奄仔蟹：鹽焗之餘，還可以挑選貴價的礦物鹽，弄碎後焗奄仔蟹，令蟹鹹中帶鮮甜。
3.避風塘辣蟹：三點蟹及肉蟹味道較淡，因此加入蒜蓉辣椒豆豉，增添滋味。
4.雞油花雕蒸紅花蟹：甜美的花蟹最常的煮法是用作潮州凍蟹，但用花雕、雞油、雞蛋蒸煮，又是另一番味道。
【其他熱話】教我如何煮靚蜆、沙白與花甲【有片】
【其他熱話】生熟鐵鑊如何分辨？師傅教你瑤柱蛋白炒飯【有片】
【其他熱話】焦糖燉蛋的精華 是焦糖還是燉蛋？
【其他熱話】熱狗達人DJ泰山 實測邊間戲院熱狗最正
【其他熱話】中秋送禮買月餅攻略 早買最少平百元
撰文 : 何小雲 TOPick 記者
