旺角掃街攻略　$20白滑豆腐花甜筒【有片】

提到旺角街頭小食，其實已不止於燒賣魚蛋，尤其是 H&M 進駐登打士街後，令此地段的地頭小食店更添年青活力，有很多人氣創意潮食陸續出現，如新美食街，如果你已經自言冇食街邊野好耐，旺角登打士街這一帶，絕對可重拾那些年掃街情懷。

更多本地遊資訊【按此即睇】

不過在旺角搵食也要識食，因幾條熱鬧大街上的小食店主要針對遊客，同一串魚旦可能賣貴幾元，但如繞著登打士街及花園街走，就會發現許多特色小食，其中如賣魚旦的佳記、賣生腸墨魚的肥姐，早已經出名是人龍店。有乜好野食，不妨先睇以下短片:

1. Hot.com超大章魚燒

記者經常行經登打士街，發現賣秘製薯條的 Hot.com 屹立此街七年，愈做愈旺，最近舖面加上巨型薯條及章魚做裝飾，在整條街盡展霸氣。

這店早年跟隨瘋薯熱潮，主打售秘製醬汁炸薯條，漸漸食物款式愈多，資深員工稱最好賣是日式小丸子， 日賣 400 份，其中蟹籽章魚燒口味甚受歡迎，由老闆的日本朋友親授配方，原隻章魚切粒做餡，加上極彈口的蟹子粒，一盒 6 件 ($33) 超大粒，甚滿足。

另外，此店的炸薯條亦極盡心思，如可配炸燒賣及蟹鉗，確實新奇。

▲ Hot.com 位處登打士街中央，門前一個巨型撓飾甚霸氣。(攝影：湯炳強）

▲ 兩款特色小食：炸蟹鉗薯條（左，$36）爆炸燒賣薯條（右 ，$33）（攝影：湯炳強）

地址：登打士街 43P-S 號鴻輝大廈地下

【延伸閱讀】葵涌廣場「搵食」攻略　$30食韓國至Hit 牛扒杯

2. 一豆花 自創豆花甜筒

豆腐花是傳統街頭美食，在九龍區有五間分店的一豆花，主打年青路線，位於登打士街的分店，店長呂先生稱全部用純黃豆於店內泡製，為吸引客源，獨創多款豆腐花配搭，如加上各款牌子的朱豆力豆、玉米片、柚子、椰皇、可可脆片、OREO 餅乾等，其中用豆腐花甜筒更是全港獨家。

他稱夏天時配芒果的豆花甜筒特別受年青男女歡迎。而時值深秋，又推出了栗米、玉米片熱豆花，全部口味不超過 $20，相當抵食，喜愛吃豆花的攝影師大讚甜度適中，入口夠滑，還忍不住買了幾碗外賣。

▲ 一豆花店側設立食區，不少年青人就地進食各類新奇豆花。（攝影：湯炳強）

▲ 店長忽發奇想，豆花加甜筒有得做噃，於是自創此款甜品，只賣$20。（攝影：Eric）

地址：登打士街 43S 號

3. Check-in Tokyo 獨家引進波子汽水雪糕

這間開業僅一年的日式軟雪糕店，記者留意到特別多女生及外國遊客光顧，除因富日系 feel，所售的雪糕種類亦相當可愛吸睛，三款鎮店口味為北海道牛奶、宇治抹茶及波子汽水。

靚女老闆 Juri 稱皆屬日本雪糕店獨家授權口味，香港別無分店，其中波子汽水藍色雪糕（$33）賣相非常特別，她稱有其他雪糕店曾仿效，卻只有其形而欠其神。店中另有期間限定軟雪糕，現時正推出麥精味，另外顧客可為雪糕加配料，如用朱古力加餅乾而成的樹頭熊（$46），絕對男女都 buy。

▲ 店內年青員工十分好客，遇有客人想為雪糕拍照，會自備顏色底板。（攝影：湯炳強）

地址：登打士街43P-43S號地下9B號舖 

【延伸閱讀】跟發哥西環搵食 歎周秀娜激讚雞尾包

4. Candy Shake 少女夢幻小食

裝修帶華麗感的 Candy Shake，店如其名主打各款口味奶昔以及糖果乳酪，而各類日本人氣小食同樣吸引，如炸蝦天婦羅、手打芝心墨魚、紫菜百花卷全由 $12 起，兩款特受女生歡迎的日本蟹籽紫菜鹽鵪鶉蛋，及日式照燒芝麻鵪鶉蛋，全是用星星形狀模版即叫即製，用上 fancy 小杯裝著，$18 有 6 粒，是少女情懷之小食。

▲ 日本蟹籽紫菜鹽鵪鶉蛋，份量輕巧，適合女生。（攝影：湯炳強）

地址：登打士街 55 號地下

【延伸閱讀】Eason都食西灣河沙嗲串燒　秘製醬汁猶勝老巴刹串燒

5. 百味 $4 包菠菜撈麵

位處西洋菜南街行人專用區及登打士街交界的兆萬中心，早有不少餐廳駐場，門口有檔賣袋裝冷麵，長年受學生哥歡迎，全因夠平兼口味多，一包袋裝麵售 $4，其中的菠菜麵十分特別，可配各樣凍小食如腸仔、墨魚咀、牛柏葉等，同樣由 $4 起，重點是撈麵醬料，這裡提供有燒汁、蒜蓉及辣椒醬，份量多少自行調配，最合學生哥口味。

▲ 學生哥經濟小食，兩餸一麵只是$12。（攝影：Eric）

地址：兆萬中心地下G6

【其他熱話】荷蘭攝影師影舖頭貓 留住香港老店情

【其他熱話】80後女生移民台灣開Cafe 移民手續逐格睇  

【其他熱話】秋天打邊爐攻略　任食火鍋200元有找