陳展鵬的高低起跌 做過地盤工的視帝

娛樂 12:53 2016/12/19

分享:

入行 21 年的陳展鵬,昨晚憑《城寨英雄》拳佬一角在《萬千星輝頒獎典禮》終摘視帝,打低大熱郭晉安,雖然上台未見十分激動,然而他以肺腑之言道出答謝宣言,仍叫不少觀眾感動,在其 facebook 留言實至名歸。自言曾經歷迷失的「煎 pan」,是如何走過人生低潮呢?

陳展鵬在台上這樣道:

由訓練班到而家,我諗有好多同行都經歷過,會覺得自己好迷失,唔知自己去向,但好多謝有好多人畀機會我,令我冇畀人淘汰。我入行 21 年啦,拎到呢個獎,多謝畀過機會我嘅人,我會好好記住你哋。

跟胡定欣雙雙摘視帝視后,二人關係也令觀眾揣測好奇。(電視截圖)

曾做地盤工

很多人已知,陳展鵬 97 年是以電影演員身份出道,拍過《忽然丈夫》和《旺角大家姐》低成本製作,後來簽約寶麗金,成陳曉東師弟,可是遇正金融風暴,娛圈生態一池死水。後簽到亞視,又遇著沙士,相當運滯,他曾講過:

馬死落地行,為搵食連地盤工都做過。

08 年,陳展鵬重返 TVB,卻一直多任配角,直至 2011 年《真相》演活踩界大律師後,備受觀眾好評,才多了很多拍劇機會,他接受《經濟日報》副刊訪問說過:

有些人做咩事,都好似差半步,如果他不強求,可以知足常樂;有些人可能天份不夠,會追求但又得不到,因而不開心。而我的『差半步』,是需要懂得面對自己,當成功過、失敗過、遺憾過,有否反思再面對同樣問題時,懂得用更好方法去處理?差半步其實反而可令我愈來愈好。

除了粗豪look,煎pan的斯文形象也很受落。(經濟日報圖片)

【延伸閱讀】鮑起靜 x 黃浩然:香港做家長甚艱難

他最感激《真相》監製王心慰的知遇之恩。而今次《城寨》的角色,也是監製文偉鴻為他度身訂造。

其實一個演員最重要也是最幸運的,就是遇到一個適合自己、似自己的好角色。

煎 pan 是觀眾眼中的單身筍盤,因《城寨》而跟冧莊視后胡定欣傳緋聞,報導又指二人同住將軍澳區,戀情愈炒愈熱,可是當事人未有回應。講到愛情觀,陳展鵬這樣說:

每談一次戀愛,都可以 refresh 自己,有新的睇法、特質,也重新解構了愛情,可將領受的放在工作及角色演繹上。

今日煎pan已起程到台灣拍攝新劇《同盟》,又跟定欣做拍檔。(ig圖片)

做運動最佳減壓良方

晉身娛樂圈之前,陳展鵬是運動員出身,曾加入香港乒乓球代表隊,自言最喜歡學習新事物挑戰自己的他,公餘時間也不忘做運動,如最愛踩單車。

小時候已識踩單車,我現在玩 downhill 極速單車。另外也打 golf 打了 4、5 年,是訓練 EQ、學習沉澱,情緒不可以好高漲,也不可很氣餒,要好中庸,好清晰地做好每個步驟,個波就會打得遠、打得好,但不要先想定要打得好遠,否則就會打錯晒。跟踩單車衝落山,尋求速度是兩回事。

煎pan熱愛運動,常跟藝員朋友到戶外玩。(微博圖片)

他認為做運動同樣是休息減壓的最佳良方。

休息就是完全撇棄其他雜念,而做運動可以集中精神地做一件事、咩都唔諗,那個空間、時間便可給我減壓。我也鍾意睇佛學的書,因為覺得自己開始『空』,回歸 TVB 拍了好多劇,覺得像掏空了,需要從佛學支取力量。

【其他熱話】四孩之母鄭麗莎 4個月回復魔鬼身材之謎

【其他熱話】蝦頭4個月減35磅 修身照食叉油雞飯【有片】

【其他熱話】為食阮兆祥keep fit餐單 吃西柚一個月減十磅

撰文 : 司徒家傑 TOPick記者