《有樓萬事足》首集率先睇 Seasun 金句大晒冷

休閒 16:13 2017/02/20

分享:

未播已在坊間掀起迴響的《有樓萬事足》,今晚播映第一集作為導言,先讓多位素人被訪者,以及吳業坤、張秀文逐一亮相講幾句,其中最出位自然是「惹火」Seasun 句句啜核,聽完當得啖笑囉,毋須太認真。

首集主題是「有樓有真愛」,相對 Seasun 宇宙級拜金,難得有個踏實港女 Inky 作 counterexample,她靠自己的洪荒之力終儲到 100 萬於前年成功上車,現在「有樓招親」,窩在蝸居內憧憬有責任感的真命天子快些出現。港男,還等甚麼?

兩個女生的個案,金句多蘿蘿如下:

Seasun(鄧湤鉮)

如果冇樓就唔好白撞。

要追我梗係要有誠意,準則就是要有一層樓,是表達愛的方法。

有樓女人先有高潮。

有高潮先易有 BB,在安穩的環境下陀 B 也是好事,畀到女人好大安心。

如要生 BB,一間屋唔大唔細,舒服的最好要有 2,000 呎,例如何文田恆信苑呢類舊樓就最好。(地產經紀指:至少要 1,000 萬首期)幾多錢唔係問題吖,都唔係我畀!

【延伸閱讀】無綫真人騷《有樓萬事足》  拜金港女:無樓就唔好白撞!

 

Seasun言論很爆,不少人都側目,一層樓所代表的價值,真是人人不同。(圖片提供:TVB)

我就可以在愛巢整甜品,然後問男伴:要 dessert 定要我呢?

公猴都有一個定律,就是條件好的公猴,一定有個洞穴,如果個洞穴太細,母猴入咗去之後,公猴又點樣入呢?

(如果男方有樓但多女埋身呢?)唔介意,好嘢梗係多人爭,唔好嘅送畀你都唔要啦!我信任香港的一夫一妻制,我係 XXX 太太,點都會有一定保障。

Inky(謝雅櫻)

冇樓?唔緊要,我有嘛!能保護一個女人才是男人。

搏命做兼職賺錢、儲錢,做到十幾歲已經有五十肩!

覺得自己賺錢交學費好有成功感,開心過全級考第三。

儲錢靠『慳』,秘訣就是『餓字訣』:自己煮慳好多,一煲湯可頂半日肚,又唔使恰眼瞓,餓住做嘢更有存在感。

蝸居雖然舊舊哋,但相信合二人之力可以有更美好的將來。

【延伸閱讀】港女有樓萬事足?置業女生Inky的慳錢方程式【有片】">港女有樓萬事足?置業女生Inky的慳錢方程式【有片】

Inky個案正顯示了,要買樓就要好好計劃及儲蓄,並且切實執行,沒有捷徑。(圖片提供:TVB)

【其他熱話】26歲小風:我愛上的人不分性別【有片】

【其他熱話】前救護員憶靈異奇情    勿對死者照片說:後生時幾靚【有片】

【其他熱話】潤膚乳愈搽愈痕    認住4款不含致敏成分潤膚乳 

【其他熱話】鄭丹瑞:打工仔不同命運

撰文 : Kristy TOPick 記者