手機無電慘過世界末日?

City 17:25 2015/11/10

分享:

分享:

相片來源:iStock

飯可以不吃,但手機無電一定是世界末日!

今日報報紙,見到有位人兄輪候急症時,手機無電,唯有插USB到醫院電腦取電,結果瓜田李下被人以為偷資料,被警察拘捕。

為咗叉電你可以去到幾盡?

1. 叉了等於沒有叉

明明臨睡前就替手機叉電,但翌日起床時才發現插座鬆了,手機電量只剩下20%,當場「嚇到心都離一離」,立即從櫃桶拿出「尿袋」,點知連「尿袋」都無電,阿潮「除咗講粗口都唔知講乜野好」

點解嘅?我明明叉好咗!仲特登叉十幾個鐘!點解得返咁少電!我仲諗住陣間坐車煲《東坡家事關我鬼事》!

 

有無搞錯!呢個世界公平咩!我自問都係Nice Guy 一名,成日買旗同扶阿婆過馬路,我都係想碌一下手機啫!你出去是但揾一個人,有邊個有我咁Nice,點解要咁對我!

阿潮拿拿臨趁刷牙洗臉換衫的時間再叉多5%,時間不等人,阿潮只好帶着忐忑不安的情緒,先把手機關機省電,再急急出門。

2. 全世界失聯

拿着一部只剩下25%電量的手機,阿潮一路上腦筋急轉彎,不停地思考有甚麼解決辦法:

定啲嚟,今日放假,應該唔會有人揾我,唔係喎,如果阿媽入醫院點算?公司火燭腦細揾唔到我咪死得?仲有,如果呢個時候突然打風......

雖然平日不會有人找你,但當你的手機無法使用時,你會突然變成特首或CEO,會有無數可能性要用上手機。

想來想去,方法只有一個,就是充電:

即時買尿袋?會唔會太奢侈?
 

揾地方叉電?不如去地鐵站叉?


但之前有人喺中環站叉電,會唔會比人網絡公審?一係去星巴X?大X樂?商場?

不過充電起碼要半小時,趕時間的阿潮為免被朋友「詐型」,只好急急走入港鐵車廂。

3. 受不住誘惑

一入車廂,阿潮手機無電,唯有望下四周打發時間:

對面個小朋友玩緊手機,好叻咩?我夠有,不過無電!

 

前面個師奶睇緊師奶劇,我都好想睇,係無電啫!

 

隔離阿叔仲用手機上咸網,有無搞錯!點解你地個個都有電,唯獨我無電!

不服氣的阿潮只好抽出手機,一開機電量只剩下25%。其實25%即有四分之一的電量,還算不少,可以用來打機。

5分鐘後,手機掉到20%,其實也有五分之一,可以用來上網。

10分鐘後,手機掉到15%,彈出「電量不足」警告。

阿潮心想:

咁快?無啦無啦,陣間點樣捱?

4. 借電慘過借錢

其實不用怕,待阿潮跟朋友會合,一定能借到「尿袋」的!

阿潮先跟很久不見的朋友裝熟,然後時機一到便開聲問,結果:

朋友A:

你睇我手袋咁細就知我唔帶「尿袋」,平時都係啲兵借比我叉。

朋友B:

我無啊!我一向唔玩手機,你睇我仲用Nokia 就知啦!

朋友C:

我有!

神仙打救!雖然阿潮跟朋友C 甚少交流,但想起來我們這一刻都算「朋友」,阿潮馬上走上前「搭膊頭」向他借尿袋,但他說:

吓!你用iPhone 4s,我用Android,有邊個有iPhone 4s 線? 

阿潮為了儲錢買樓,仍在用iPhone 4(還要扮4s),結果全世界都沒有充電線。阿潮只好看着充滿電的尿袋扼腕嘆息。

5. 現實更殘酷

捱過「沒有手機的一天」,阿潮一回家便衝到充電座把手機充電,看到開機畫面,阿潮心想:

死啦!會唔會有人揾我揾唔到?BB豬成日揾唔到我會唔會喊?老細揾唔到我聽日點算?陣間會唔會有一百幾十個訊息搞到電話hang 機?

幾經辛苦,阿潮終於等到開機啦!結果WhatsApp 彈出訊息框,真的有人找我!阿潮看也不看即回覆:

Sorry 啱啱電話無電

但細心一看,原來訊息是:

★★免費補習介紹★★

(下刪一百字)

阿潮唔相信全日無人揾我,於是打比阿媽,點知阿媽話無,再打比「BB豬」,佢亦話無,其實手機無電又有乜好怕喎!!!

撰文:潮人

我叫阿潮,係一個人,來自潮洲。低調啲可以叫阿潮,俾面就叫聲潮人,鍾意寫潮文,香港發生咩事我都寫,潮文乜乜乜。

生活不再悶蛋,請讚好「 TOPick 新聞 」Facebook 專頁。

撰文 : 潮人