九龍塘點解咁多獨立屋？

相信唔少史友都知道，九龍塘好多獨立屋，而且幢幢都好貴。咁大家有無諗過，點解九龍塘會咁多獨立屋呢？

【延伸閱讀】 15萬首期買71呎單位　年輕人上車恩物？

响上世紀二十世紀初，有英國引入咗英國「花園城市」嘅發展模式，計劃將九龍塘地區開闢城一個以單幢獨立或半獨立式、附帶小花園嘅平房，政府响1922年正式批出呢個花園城市計劃，呢個計劃預算响80英畝土地上建造250所平房。

除咗平房，區內仲有休憩公園同會所。之不過，呢個計劃因為二十年代中地產市道滑落而差啲難尾，最後係要政府作財務支援先响1930年間落成。

【延伸閱讀】 恒基「加多利軒」超迷你新盤 細單位廳面積細過車位

雖然呢個「花園城市」計劃得以完成，但就做唔到英國「花園城市」嘅自給自足嘅功能，最後花園城市變成為花園洋房區。

不過，呢批花園式獨立屋環境優美，好有外國鄉郊嘅感覺，所以計劃推出個陣就已經得到唔少英商同華商垂青買咗樓花，落成後亦成為高尚住宅區。雖然當時好多當年起嘅洋房已經拆咗再重建，但呢種低密度住宅模式就成為九龍塘嘅發展模式。

原文刊於「史檔」Facebook，TOPick獲授權轉載。

【其他熱話】 急凍魚柳超平真相 原來牠們吃垃圾大

【其他熱話】 營養師拆解豉油成分陷阱 愈食愈重口味