旅遊小百科 空姐話你知「畀貼士」的禮儀

精明消費 12:21 2017/02/02

分享:

去旅行外出食飯,「畀貼士」似乎是一個難題,有時以為不用給,結果侍應開口要貼士,雙方都尷尬。TOPick訪問了兩位現職國泰航空的空姐陳小姐及李小姐(化名),分享外地用膳「畀貼士」的不明文規定。

更多旅行情報【按此即睇】

1. 日本

去到日本,不少港人因服務員的態度殷勤周到而畀貼士。不過,於日本給貼士不是一件禮貌的事。

陳小姐表示

如果畀貼士日本服務員,佢哋會覺得係施捨,而且佢哋會跟足規矩做嘢,所以唔會收。

另外,日本有部分餐廳會收取10%的服務費,可不需額外畀貼士。

【延伸閱讀】遊日免失禮 10個必要知生活禮儀

2. 美國

人在美國,食飯一定要畀貼士,因為美國的服務員本身人工低,貼士是他們一部分的收入來源。

陳小姐最常飛美國,分享自己在美國用餐的經驗

美國其實收10%至25%,不過多數人(稅前)會畀15%至20%的貼士,帳單上多數會寫上Suggested Tips(建議貼士)的銀碼,例如15%係幾錢、20%係幾錢。

另外,喺美國盡量唔好畀硬幣貼士,因為好多美國人認為硬幣是用嚟畀乞丐。

如果不打賞貼士,服務員會追出來嗎?陳小姐分享身邊同事的經歷

有同事試過唔記得畀,結果服務員追出嚟追問,係咪有咩嘢地方做得唔好。

陳小姐特別提醒,美國用餐需要收稅。

3. 加拿大

於加拿大用餐亦要畀貼士,與美國的貼士標準相若。李小姐指

唔畀會追出嚟問你攞。

一般會畀12%至15%,如果在高級餐廳用餐可能要18%或以上。

當然如果滿意服務,有食客更會闊綽給20%貼士。

【延伸閱讀】沈帥青:用餐小費有爭議 貼士落誰袋?

4. 澳洲

澳洲一般不會如美國般需要收取貼士,因為澳洲服務員的收入水平受法例保障,加上用餐時會收稅,所以一般都不需要額外畀貼士。

但如果覺得服務周到,亦可畀貼士表示滿意。

5. 歐洲

雖然各處鄉村各處例,但歐洲一般用餐時已包括10%至15%的服務費,李小姐提醒可留意帳單上是否已表明包括服務費(Service Charge included),如有則不一定畀貼士。

但有讀者分享,於德國用餐時,不打算畀貼士,但服務員會在旁邊徘徊,不停望著你暗示要貼士。但不同餐廳不同做法,有可能是該讀者不幸運才遇上是次經歷。

另外,用信用卡畀貼士,記得要求服務員先讓自己確認銀碼才付款,因信用卡過數後很難退款。

上述的讀者又分享,試過在歐洲的餐廳用餐,以信用卡付款,對服務員表明畀10%貼士,結果服務員自行收取了20%貼士,但讀者當場沒有計算清楚,其後才發現多給了10%的貼士,有冤無路訴,所以特別提醒遊客記得再三確認金額。

【其他熱話】初五開工大吉 航空公司開工利市有幾多?

【其他熱話】兒童儲蓄戶口大比拼 邊間銀行開戶金額最低?

【其他熱話】MUJI 旅行創意商品選舉 儲物風褸VS摺疊衣架

【其他熱話】帶子扇貝哪些部位不可以進食?