鏞記$100燒鵝麵被指「切頭切尾」拼出來　前DJ：請尊重下自己的老字號

鏞記燒鵝出名，$100吃一碗燒鵝麵也不為過，但若送來一碟不同隻、不同部位、頭頭尾尾拼出來的燒鵝，或叫食客大失所望。前電台DJ及旅遊達人何嘉麗今日（20日）在fb帖文，劈頭第一句就寫上：「我今日(昨日)簡直覺得係俾鏞記羞辱！」

何嘉麗指周一(19日)到鏞記吃燒鵝麵，明知是貴，一碗要近$100，但不介意。不過，當燒鵝麵送來的時候，她形容自己「真係有啲火」，

你由相片嗰度已經見到呢碟燒鵝啲皮係唔同色嘅，即係唔單止來自唔同部位，亦都可能係來自唔同嘅鵝係拼砌而成！

▲ 何嘉麗指燒鵝皮色不同，不單止來自不同部位，亦可能來自不同的鵝係拼砌而成。（何嘉麗Facebook圖片）

何嘉麗坦言，斬鵝當然拼砌出來，但問題是：

肉頭肉尾、呢度一忽嗰度一片咁砌成！

何又揶揄說：「大大細細切頭切尾都可以砌到咁靚,，師傅刀法真係神乎其技！」

何嘉麗指，$100！可能覺得小數目，但也請尊重下食客，「俾返舊齊齊整整嘅肉我啦！」她反問，有沒有想過食客的感受呢？埋單$130，包括$12茶錢連加一。她重申，

$100一碗燒鵝麵，我覺得合理嘅，但係請你尊重下我，亦都請你尊重下你自己個老字號，唔好係咁切頭切尾俾我食啦！至少有兩三塊肉係左鄰右里都好呀！

▲ 鏞記燒鵝麵每碗$100，連加一及茶錢埋單$123.2。(何嘉麗fb圖片)

何嘉麗最後說，「不過算啦，講咁多做乜，都唔會有下次！」何在帖文最後hashtag「#請珍惜招牌」、「#憑乜嘢收加一」、「#應該叫做燒鵝肉粒麵」。

鏞記發言人回應事件指，為滿足客人需求，碟頭飯或粉麵會選取一份骨的部位及一份肉的部位給客人；一般是用同一隻鵝，但不排除為了食物的品質而選取2隻燒鵝的不同部位。若何小姐當日對於餐點即時提出意見，定必盡量滿足何小姐的訴求。(鏞記足本回應：https://bit.ly/2OR8neI)

帖文引起不少人回應，有人指外賣情況更慘不忍睹，又有人認為名氣的食店都是做內地客生意，何嘉麗亦回應：

係呀，尋日同我坐同一張枱有兩個大陸人，見佢哋買咗四隻臘鴨髀，每隻百幾蚊，猛話抵！

位於中環的鏞記自2009年起，曾連續3年獲得米芝蓮1星評價。2012年米芝蓮指南改列為一般推介食肆，2013年起未有再獲收錄。

2018年米芝蓮一星的燒鵝店包括鏞記第三代後人創辦的甘牌燒鵝和中環一樂燒鵝。

記者：勞佩欣

究竟燒鵝正宗如何砌？即看：

鏞記被指碎件拼燒鵝有辱客人　燒鵝師傅：最好骨肉均勻

鏞記被指碎件拼砌出$100燒鵝麵　鏞記：為品質而用2隻燒鵝的不同部位