葵芳美食嘉年華 必食$6隻蒜蓉帶子

又講去葵芳搵好野食？無錯，但今次不是去葵涌廣場啦！而是請大家稍稍移玉步，穿過葵廣，行去葵涌運動場，因為正值第五屆香港食品嘉年華（俗稱葵芳美食嘉年華），場內分為 6 大主題區，但掃街精醫肚的話，當然首選美食餐飲區，雖然熟食檔只有 10 多個，卻是最多人氣，當中都有不少值得捧場的食物！

更多本地遊資訊【按此即睇】

1. 台式蚵仔煎 $30份

全場人氣最旺的檔口，阿姐密密手煎唔停，大量生菜絲包著粒粒半隻手指公大的蠔仔，又是另一抵食之選。

▲ 蚵仔煎勁搶手。(趙景隆攝)

2. 鰻魚汁蟹子鵪鶉蛋 $15串

筆者覺得惹味過章魚小丸子喎，因為用原粒鵪鶉蛋包著脆卜卜蟹子，吃時再淋上鰻魚汁，未食已經想像到一定會好食啦！

▲ 蟹子鵪鶉蛋，即叫即製。(趙景隆攝)

3. 燒墨魚串 $30串

原隻墨魚切厚身，邊燒邊蘸燒汁，入口相當 juicy。

▲ 燒墨魚串好大條。(趙景隆攝)

 

【延伸閱讀】葵涌廣場「搵食」攻略　$30食韓國至Hit 牛扒杯

4. 椰青波 $20

聽講在泰國好流行，原個椰青封在膠碗內，已經有椰肉和水，只見場內差不多人人手拿一個。

▲ 椰青波亦受歡迎。(趙景隆攝)

【延伸閱讀】日式班戟VS 酸辣粉 葵涌廣場6間人龍老店

5. 芋圓豆花 $20

台式芋圓 QQ 的，配上微暖豆腐花，是吃完所有鹹味小食的最佳清味蕾甜品。

▲ (趙景隆攝)

6. 手工雪條——芒果$20、芝麻$15 

沛公甜品一向粉絲多，平時在店賣的手工雪條很貴，但在這裏則有優惠，筆者最愛芒果，入口啖啖果肉，而芝麻則濃香到極。

▲ (趙景隆攝)

7. 蒜蓉粉絲帶子 $20/3隻

街邊食蒜蓉粉絲帶子？其實一點也不怪，因為只要你行過，見到這些帶子熱辣辣，香噴噴地放在蒸籠內，你便會好想食，平均 $6.6一隻。

▲ 蒜蓉粉絲帶子都有得食。(趙景隆攝)

8. 北京片皮鴨 $30盒

現場有專人即包，一盒 4 件，內有青瓜條、京蔥絲、鴨肉和鴨醬，捲起來後，分量都幾大卷，算抵食。

▲ 一盒 4 件的片皮鴨。(趙景隆攝)

日期	即日起至11月6日
時間	11:00am-8:00pm
地點	葵涌運動場（新界葵涌興盛路93號）
入場費	$5/位，身高1米或以下小童、65歲或以上長者及殘疾人士免費。

【其他熱話】遊日窮L開餐必食     日本松屋18元牛肉飯  

【其他熱話】舒淇都參拜！台北最強姻緣廟

 

【其他熱話】秋風到濕疹加重　中醫拆解飲食宜忌

【其他熱話】松屋外的選擇 　遊日必食26元超正親子丼