減肥也可食自助餐 營養師:飲檸檬水有助消化

健康 15:20 2017/08/30

分享:

自助餐,香港人一年365日都愛食。但對於日日話要減肥的人來說,食Buffet和Keep Fit的確是矛盾的事。不過Keep Fit是一輩子的修為,何況營養師也沒有講過減肥Keep Fit不可以食自助餐,識得揀飲擇食,一樣可以吃大餐,又不會破壞瘦身大計或影響健康!

避免攝過多熱量 配合瘦身計劃

減肥瘦身人士不禁會問︰「真係可以食自助餐?」「家營營養中心」營養師黃鶯(Annie)說︰「絕對可以!」她指,自助餐屬任食,稍一不慎的確容易進食過量;但另一方面,自助餐食物選擇多,減肥人士可更自由、容易地揀選食物以配合自己瘦身計劃,識得揀一樣可以避免攝取過多熱量,同時又可滿足口腹之慾。

從營養師角度看,要健康keep fit,不是要節食。

很多人會在自助餐前不吃早餐或午餐,以為可以留「Quota」。這方法Annie表示絕不建議,

因為過度飢餓會令我們吃自助餐時更容易食過量。而且長期空腹,然後又一下子進食大量食物,會令胃部負擔加重,容易引起消化不良甚至吃滯。大家可以適當地調節自助餐前後的食量,不用捱餓之餘,整體的熱量吸收亦不會超標太多。

倘若吃得太飽,她建議可以飲茶、不加糖的檸檬水等刺激胃酸分泌,幫助消化。又或者做輕量運動,如到公園散步,有助腸道蠕動和消化。

先高纖沙律「打底」 留意醬汁分量

吃自助餐可以好隨意,但記住Annie提供的精明貼士,食得有「營」又可以Keep Fit。

可先進食沙律,因為蔬菜含豐富纖維,可以提供一定飽肚感,亦可減低進食太多肉類的膩滯感。不過,要留意沙律醬汁的分量和類別,避免揀選高脂高卡的,例如芝麻醬、千島醬等;而橄欖油、醋汁是相對較健康的選擇。

除了沙律,她說也可飲湯打底,但不是龍蝦湯、忌廉湯,而是較低脂的清湯、蔬菜湯或中式燉湯。如果自助餐有法包、麥包、餐包,不妨吃一兩件,減少之後吃過量的機會。

「打底」之後,還是可進食熱盤或肉類,Annie建議可選擇海鮮和一些較瘦的肉類。

除了注意分量,最主要是留意烹調方法,避免多吃油炸食物,炒粉麵飯等高熱量澱粉質食物也不宜吃過量。

香港人至愛海鮮,不過Annie提醒大家︰

一次過狂吃凍海鮮,會增加消化道負擔,容易造成消化不良或引起腹痛等問題。此外,海鮮含有較高嘌呤,尤其是鯖魚、沙甸、帶子、青口等,建議有痛風或尿酸高人士要留意分量。

甜品輕怡之選 豆腐花 雪葩

至於女士有「另一個胃」來容納的甜品,Annie拆解︰

芝士蛋糕、拿破崙、雪糕等都用大量忌廉、牛油、糖等炮製,熱量脂肪偏高;相對雪葩、果凍、豆腐花的熱量和脂肪較低,感覺輕怡些。如果樣樣都想吃,建議和朋友分享淺嘗,這樣既可以品嘗每種甜品滋味,又可大大減低熱量和糖份攝取。

此外,大家慣常吃的飯後水果,均含豐富纖維,而奇異果、木瓜和菠蘿等含可助分解蛋白質的酵素,令消化更好,從而減少飽滯感。不過,最好在吃完自助餐隔一段時間才吃水果,切忌馬上進食,否則會令胃部負擔大增。

全文刊於《晴報》

《晴報》facebook

【其他熱話】葵涌廣場掃街「揀飲擇食」 營養師教你食得美顏又補血

【其他熱話】想減肥要揀升糖低食物 營養師教你「揀飲擇食」

撰文 : 晴報