網上食評人推介聖誕自助餐 邊間甜品最正？

在聖誕大日子，吃聖誕餐當然不少得。著名飲食Blogger及網上食評人龍少爺，聖誕節最愛到酒店吃自助晚餐，今年一早已訂好檯，準備跟友人一起歡度佳節。龍少爺推介多間酒店自助餐，大家可以作參考。
  
剛從倫敦修讀廚藝班回來的龍少爺，回港後曾想過自己在家煮聖誕大餐，但思前想後還是覺得在酒店食聖誕自助餐的氣氛較佳。

尋尋覓覓，最終決定選擇尖沙咀朗廷酒店The Food Gallery餐廳。

兩年前的聖誕，我跟家人在餐廳食自助晚餐，雖然食客很多，但勝在食物補充得很快，故此可時刻保持新鮮度。

講到食物款式，以海鮮最得他歡心。

一直是海鮮迷，餐廳不論在平日或大節日，都設有一個陣容強大的海鮮 counter，有龍蝦、青口及螺等，每次必食生蠔及阿拉斯加蟹腳，新鮮到不得了。

▲ 龍少爺話每次來食自助餐，首先必到海鮮counter，會選美國蠔及阿拉斯加蟹腳。(陳智良攝)

至於聖誕必食的火雞，龍少爺自言好奄尖，一定要揀最好的。

餐廳的烤火雞做得很好，肉質相當嫩滑，就是雞胸位都不會嚡口，加上自家製的醬汁，味道極佳。

▲ 龍少爺話就算食到好飽，都一定留肚食烤火雞，因要感受聖誕氣氛。(陳智良攝)

給龍少爺驚喜的美食，還有餐廳的任食鵝肝。

好少酒店自助餐可讓食客任食鵝肝的，這裡的水準亦很好，外脆內嫩，質素可媲美法國餐廳。

他更大讚自助餐食物款式夠特別，如有韓式煮牛扒、釀魷魚等等。
 
在聖誕節日中，龍少爺認為甜品是主角之一，還必須要款式多，以及要配合聖誕氣氛。

有些聖誕節的甜品，如聖誕果乾麵包、聖誕布甸、樹頭蛋糕等，一年只可食到一次，所以覺得自助餐必定要有，餐廳就有齊以上的甜品，加起其他節日限定甜品，款式有接近二十多款，十分豐富。

自己最鐘意食樹頭蛋糕，亦曾跟屋企人一齊分享，其質感鬆軟，不會太甜，同行的老人家都適合食。還有細細件但超美味的栗子撻，都是我的心頭好。

▲ 朱古力焦糖樹頭蛋糕入口鬆軟，龍少爺自言連吃幾件都不覺膩。(陳智良攝)

▲ 冬天最愛食栗子的龍少爺，大讚栗子撻很清甜，味道很討好。(陳智良攝)

Info：

電話：2132 7898

自助晚餐價錢：12月24-26日 成人$688起、小童 $398起(另加一服務費)

其他酒店聖誕自助餐推介

推介1：康得思酒店 The Place

原因：酒店在旺角，約朋友好方便，食飽後又可以一班人散步去尖沙咀欣賞燈飾，感受聖誕氣氛。至於自助餐食物，除了有必備的火雞外，還有即烤即切的威靈頓牛肉，外層有酥皮包著，入面的牛肉鬆軟嫩滑。還有酒店招牌的焗薑餅芝士蛋糕，以及充滿視覺享受的火焰雪山，都是不能錯過的。

(價錢：成人$698/位、小童及長者$498/位，另加一服務費，電話：3552 3028)

▲ 威靈頓牛肉及羊架，最受食客歡迎。(酒店提供)

推介2：逸東酒店 都會自助餐廳

原因：如果想經濟點，自助午餐都是不錯的選擇，其實食物跟夜晚相差不遠，但價錢就平一大截。逸東酒店的自助午餐很實惠，成人只需 $388 起，小童 $278起(另加一服務費)，菜式有美國牛肩扒、焗龍蝦、燒鱈場蟹腳等等。

如果你喜歡相機先食，這裡的甜品賣相精緻，如法式杏仁餅塔及士多啤梨塔，可拍照即時upload上網，呃like絕對無難度。(電話：2710 1901)

▲ 法式杏仁餅塔賣相精緻。(酒店提供)

【其他熱話】龍蝦點分公乸？大廚教5分鐘煮波士頓龍蝦

【其他熱話】雞肉要熟又要滑    名廚秘訣：先猛後慢

【其他熱話】葵涌廣場「搵食」攻略　$30食韓國至Hit 牛扒杯

【其他熱話】酒店大廚教煮蝦仁炒蛋　揀靚蝦要睇蝦頭

【其他熱話】教我如何煮靚蜆、沙白與花甲【有片】

【其他熱話】80 後港男台灣賣麵線 改良外母配方創16萬營業額

【其他熱話】南港島「搵食」攻略　利東街市食$28巨燒雞髀【有片】